Beste bisita estrategiko bat Txinara

Azken urteotan, unibertsitateen, ikerketa-zentroen eta enpresa txinatarren eta BCMaterialsen arteko lankidetza zientifikoa sendotuz joan da hainbat akordio, ikerketa-egonaldi eta proiekturen bidez. Zentroak lankidetza estrategikoa indartzen jarraitzen du, maiatzean Senentxu Lanceros-Méndez BCMaterials-eko zuzendari zientifikoak eta Ikerbasque Research Professor Qi Zhang-ek egindako bisitekin.

Bi astez Txinako hainbat hiritan ibili ziren, eta bidaia horretan, energia jasangarria sortzeko materialekin lotutako enpresak eta zentro teknologikoak bisitatu zituzten, baita instalazio esperimental handiak ere, hala nola Shanghai Synchrotron Radiation Facility.

Lanceros-Mendezek eta Zhangek hainbat txosten aurkeztu zituzten hainbat zentrotan, hala nola Shangai Institute of Applied Mathematics, energia biltegiratzeko eraginkortasunari eta iraunkortasunari buruz; eta Wuhan University of Technology, erantzun magnetikoa duten materialez, mintzen teknologiaz eta bateriak birziklatzeko teknologia berritzaileez hitz egin zutenak.

Era berean, Suzhou hirian ospatutako International Conference on Spintronics and Spintronic Materials (WUN) erakundearen seigarren edizioan parte hartu zuten. Bertan, aplikazio espintronikoetarako material magnetoelektrikoei buruzko aurkezpenak egin zituzten.