Zientzia, Unibertsitateak eta Berrikuntza sailburuak BCMaterials bisitatu du

Azaroaren 27an, Eusko Jaurlaritzako Zientzia, Unibertsitateak eta Berrikuntza sailburu Juan Ignacio Pérez Iglesiasek BCMaterialsen Leioako instalazioak bisitatu zituen. Zentroak material berrien ikerketan izan duen bilakaera garrantzitsua erakustea izan zen bisitaren helburua, 2012an sortu zenetik gaur arte. Gaur egun, BCMaterialsek ehun bertako langile baino gehiago ditu, eta horiei UPV/EHUko 26 ikertzaile gehitu behar zaizkie.

Pérez Iglesiasek gure egoitza bisitatu zuen Alfonso Morais sailburuordearekin, Senentxu Lanceros-Méndez BCMaterialseko zuzendari zientifikoarekin eta Iñaki Serna zentroko gerentearekin batera.

Bisitan, BCMaterialsen orainaldiko eta etorkizuneko plan nagusien berri eman zioten kontseilariari. Zentroko jarduneko laborategi batzuk ezagutu zituen (elektronika, bioteknologia eta biomedikuntza, fabrikazio gehigarria...) eta datozen hilabeteetan argia ikusiko duten eta gure ikertzaileei gure laborategietan egiten duten lanaren ia % 100 garatzeko aukera emango dieten instalazio berrietako batzuk bisitatu zituen.