Track the Twin: puntu kuantikoak hobetzeko biki digitalak

BCMaterials-ek parte hartzen duen Marie Curie "Track The Twin" doktore-sarea abian da. Proiektu honen helburua da puntu kuantikoen errendimendua denboran zehar hobetzea, biki digitalak sortuz. Xede zientifiko hutsaren maila berean, "Track The Twin" ek hainbat herrialdetako doktoratu aurreko ikasleak prestatzea du helburu, besteak beste, arlo hauetan: puntu kuantikoen sintesia, analisi estrukturala edo materialen zientzia konputazionaleko simulazioak.

Puntu kuantikoak nanomaterial berritzaileen trantsizio arrakastatsuaren adibide argia dira laborategitik merkatura. Izan ere, puntu kuantikoetako ikerketak Kimikako Nobel saria jaso zuen 2023an. Gaur egun, gailu elektroniko hobeak eta eraginkorragoak izatea ahalbidetzen digute (adibidez, irudi-kalitate handiagoa eta kontsumo txikiagoa duten telebistak), energia berriztagarria sortzeko gailuetan daude, bioteknologian dituzten aukerak aztertzen dira...

Aplikazio horiek karga iraunkorren pean mantentzen dituzte puntu kuantikoak, hala nola argiztapen konstantea, tenperatura altuak edo ingurumen-agenteekiko esposizioa. Zahartzean erresilienteak izan daitezen eta kargek errendimendua gal dezaten lortzeko ahaleginak luzeak eta garestiak dira. Horregatik egin du "Track The twin" -ek biki digitalak egiteko apustua, ikerketa sakona eta ez hain garestia egin ahal izateko.

Ganteko Unibertsitatea (Belgika) buru duen "Track The Twin" sarearen partzuergoa Europako 14 unibertsitatek, ikerketa-zentrok eta enpresak osatzen dute. BCMaterials, UPV/EHUrekin batera, proiektuan parte hartu duten bi euskal erakundeak dira. Gure zentroan, ikertzaileak materialen zientzia konputazionalean espezializatuko dira, Ikerbasque Professor Ivan Infanteren gainbegiradapean, eta teknika neutronikoen bidezko karakterizazioan, Ikerbasque Fellow Jose María Porro Azpiazuk gidatuta.