Tokyo Institute of Technologyra bisita instituzionala Japonian

Urriaren amaieran, Senentxu Lanceros-Méndez BCMaterials-eko zuzendari zientifikoak bisita instituzionala egin zuen Tokyo Institute of Technologyra (Tokio Tech), gure zentroaren izenean. Tokio Tech-en eta BCMaterials-en arteko lankidetza eremu berrietara zabaltzea zen bisitaren helburua.

Bileren programa trinko baten barruan, Lanceros-Méndez bi hitzaldi egitera gonbidatu zuten. Lehenengoa, “Next generation multifunctional materials for a digital and sustainable economy” izenekoa, Laboratory for Future Interdisciplinary Research of Science and Technology delakoan egin zen.

Bigarren hitzaldia, Tokyo Tech Open Lab hitzaldi-ziklo ospetsuen barruan, “Printable magnetoactive smart and functional materials: from materials processing to applications” izan zen.

BCMaterials-eko zientzia-zuzendariak oso positibotzat jo zuen bisita instituzional hori: “Aukera bikaina izan da Tokio Tech-ek material berrien zientzian egin duen lan bikaina sakonago ezagutzeko eta, aldi berean, BCMaterials-en egin ditugun azken aurrerapenak aurkezteko. Ziur nago gure lankidetzak proiektu berriak ekarriko dituela laster”.