Sei ikertzaile berri BCMaterials-en
Ezkerretik eskuinera: Aingeru Ramos, Mario Fernández, Elvira Vidal, Jesús Alcaine, Santiago Ceballos and Zain Ul Abideen.
BCMaterials-ek ongietorria eman die azken egunotan gure zentroan sartu diren sei ikertzaile berriri. Elvira Vidal, Aingeru Ramos, Zain ul Abideeen, Santiago Ceballos, Jesús Alcaine eta Mario Fernández dira. Lehenengo bostak doktoretza aurreko ikertzaileak dira, eta seigarrena, doktoretza ondokoa.
Sarrera berri horietako hiru Materialen Zientzia Konputazionalaren zeharkako ikerketa-lerroari lotzen zaizkio. Mario Fernandezek Ivan Infanterekin (Ikerbasque Research Professor) koordinatuta lan egingo du nanokimika konputazionalaren arloan. Bestalde, Aingeru Ramosek eta Zain Ul Abideenek Ivan Coluzza Ikerbasque Professorearen ikuskaritzapean egingo dute ikerketa. Lehenengoak algoritmo kuantikoak garatuko ditu proteinen tolesturaren arloan simulazioak egiteko; bigarrenak kimika konputazionalerako egokitu daitekeen ikaskuntza automatikoko plataforma baten garapenean parte hartuko du.
Elvira Vidal BCMaterials-ekin bat egiten du Material Mikro eta Nanoegituratuen lerroaren barruan. Roberto Fernández de Luisekin, gure zentroko Research Fellow-ekin, lan egingo du Vidalek, ingurumen-zientzian eta energia berdearen sorreran aplikazioak dituzten MOFak garatzeko.
Santiago Ceballos ikertzaile kolonbiarra Material eta Azalera Funtzional Aurreratuen lerroan sartu da. Daniel Salazarrek,BCMaterials-eko Research Fellow-ak, gainbegiratuko du bere lana. Burdinazko eta paladiozko aleazioetan oinarritutako nanoteknologia berriak sortzen lan egingo du, ultra sentsibilitate handiko hidrogeno-sentsoreetarako.
BCMaterialsera iritsi berri den seigarren ikertzailea, Jesús Alcaine, Zientzia Neutronikoen zeharkako lerroan sartuko da. Alcainek spin ice simulazio kuantikoak ikertuko ditu, José María Porro, Ikerbasque Research Professore-k gainbegiratuta.
Lanpostu berri hauei buruz, nabarmentzekoa da Eusko Jaurlaritzako Hezkuntza Sailaren Ikur estrategiaren zeregin garrantzitsua, lanpostuko hauetako batzuk finantziatu egin baitu.
Related news
Artikuluetarako deialdia – Zenbaki berezia ‘Polymers’ aldizkarian
Carmen Rial BCMaterials-eko ikertzailea, Mondragon Unibertsitateko M. Mounir Bou-Ali doktorearekin batera, "Polymers" (ISSN 2073-4360) aldizkariaren ("Conductive and Magnetic Properties of Polymer…Eloie Gallego, Ikerketako laguntzaile tekniko berria
BCMaterialsek ongi etorria eman dio Eloie Gallegori, gure zentroan Ikerketako Laguntzaile Tekniko berri gisa sartu baita. Gure instalazioetan gero eta laborategi-jarduera handiagoari zerbitzua emanez…Hitzaldi gonbidatua Joel Villatoro-rekin Apirilaren 25ean
Datorren apirilaren 25ean BCMaterialsek Joel Villatoro doktorea hartuko du hizlari gonbidatu gisa "All-Optical Fiber Sensing" izeneko hitzaldiarekin. Hitzaldia 10:00etan hasiko da Martina Casiano…Francisco Fernandesekin hitzaldi gonbidatua apirilaren 22an
BCMaterialsek hitzaldi gonbidatu Berri bat eskainiko du apirilaren 22an Francisco Fernandes Sorbonako Unibertsitateko (Frantzia) Materia Kondentsatuaren Kimika Laborategiko irakasle elkartuarekin.…