Sara Martín eta Stefano Lunghi, BCMaterialseko ikertzaile berriak

BCMaterialsetik ongietorria egiten diegu gure ikertzaileak osatzen dituzten bi pertsona berriri: Sara Martín Iglesias, Material Aktibo eta Adimendunen arloko doktoratu ondoko ikertzaileari, eta baita Stefano Lunghi, Material Mikro eta Nanoegituratuen arloko doktoratu aurreko ikertzaileari ere.

Sara Martín Iglesias doktoreak lotura estua du BCMaterialsekin, doktoratu aurreko ikertzaile gisa lan egin baitzuen azken urteetan. 2025ean lortu zuen doktoretza, "Mechanisms regulating the cell response to the surface electric potential of biomaterials" izeneko tesiarekin. Martín Iglesias 2017an graduatu zen Bioteknologian, Leongo Unibertsitatean, eta Bioteknologia Biomedikoan masterra egin zuen Valentziako Unibertsitate Politeknikoan, 2019an. Material biodegradagarrietatik abiatuta, ehunak birsortzen lan egingo du.

Bestalde, Stefano Lunghik gure zentroan hasi zuen bere ibilbidea, Milano Bicocca Unibertsitatean (Italia) Material Berrien gradua eta masterra egin ondoren. Lunghik nanoteknologiaren eta espektroskopiaren arloetan garatu du bere prestakuntza. Burbuilen inprimaketa izeneko teknika bat garatzen lan egingo du, nanopartikuletatik abiatuta materialak sintetizatzeko erabiltzen dena. Teknika horren garapenari esker, sentsoreak zehaztasun eta kontrol mikrometriko handiz inprimatu ahal izango dira, metodologia ekonomiko eta oso produktibo baten bidez.