Hitzaldi gonbidatua Giuseppina Pacerekin nanogeneratzaile triboelektrikoei buruz (irailak 24)

Datorren ostegunean, irailaren 24an, Giuseppina Pace, Italiako Ikerketa Nazionalaren Kontseiluko Mikroelektronika eta Mikrosistemen Institutuko (IMM-CNR, Milan) ikertzaileak, 'Enhancing Power Output of Triboelectric Nanogenerators through Electrode Engineering and Materials Integration' hitzaldia aurkeztuko du BCMaterials-en. Hitzaldia EHUko Leioako Zientzia Campuseko Martina Casiano eraikineko auditorioan egingo da, goiezko 11etatik aurrera.

Hitzaldiak nanogeneratzaile triboelektrikoen (TENG) potentzia hobetzeko estrategiak jorratuko ditu; teknologia hori kostu txikikoa eta iraunkorra da, eta zabalduta dagoen energia mekanikoa elektrizitate bihurtzeko gai da. Hizlariak elektrodoaren lan-funtzioak eta kapazitantziak duten garrantziari buruzko bere ikerketa aurkeztuko du, baita material triboelektrikoaren eta elektrodoaren arteko interfazearen ingeniaritzari buruzkoa ere, grafeno dopatua eta 2D-transizio-metalen dikalkogenidoak erabiliz. Halaber, TENGetan oinarritutako ukimen-sentsore eta larru elektronikoetan integratzeko hidrogel berrien diseinua aztertuko da, energia bere kabuz sortzen duten gailu elektroniko iraunkor eta biobateragarriak garatzeko bidean.

Hizlariari buruz

Giuseppina Pace Italiako Ikerketa Nazionalaren Kontseiluko Mikroelektronika eta Mikrosistemen Institutuko (IMM-CNR) ikertzaile nagusia da 2019tik. Erroma Tor Vergata Unibertsitatean graduatu zen, eta doktoretza Estrasburgoko Université Louis Pasteur unibertsitatean lortu zuen (Frantzia). Ondoren, Cambridge Unibertsitatean (Erresuma Batua) ikerketa-lanean jarraitu zuen research associate gisa, Italiara itzuli aurretik, 2012an, Italiako Teknologia Institutuan lan egiteko. Esperientzia handia du elektronika organiko eta malguaren eta energia-biltzaileen arlo multidiziplinarrean. Bere lanak batez ere materialen eta gailuen fisika-kimikari eta gailu elektroniko iraunkorren ingeniaritzari lotutako alderdiak jorratzen ditu.