BCMaterialseko hiru ikertzailek doktoregoa lortu dute

Ekainaren amaieran, BCMaterialsek hiru ikertzaile berri gehitu zituen Materialen Zientziako doktoreen zerrendara: Juan David Cortés, James Martin eta Mahdi Gassara. Hiru ikertzaileek egun gutxiren aldearekin defendatu zituzten beren tesiak. Cortések Alacanteko Unibertsitatean egin zuen defentsa; Martinek eta Gassarak, berriz, Euskal Herriko Unibertsitatean (EHU).

Juan David Cortések “Charge Transport in Self-Assembled Protein-Based Materials for Bioelectronics” izeneko tesia defendatu zuen Ekainares 18an. Lana BCMaterialseko Ikerbasque Research Associate Professor Reyes Calvoren zuzendaritzapean egin zuen, eta peptidoetan eta proteinetan oinarritutako sistema autoantolatuen karakterizazio elektrikoa eta sistema horiek gailu bioelektronikoetan integratzeko aukerak izan zituen ardatz.

James Martinek ekainaren 24an lortu zuen doktoregoa, “Inorganic Lead-Free Vacancy-Ordered Perovskite Materials for Thin Film Optoelectronic Applications” izeneko tesiarekin. Bi egun geroago, Mahdi Gassarak ere bere tesia defendatu zuen: “Advanced Material and Interface Engineering for Enhanced Performance and Stability in Perovskite Solar Cells.”

Martin eta Gassara Shahzada Ahmad eta Samrana Kazim BCMaterialseko ikertzaileen zuzendaritzapean aritu dira, eta Luis Lezama EHUko Kimika Ez-organikoko katedraduna izan dute tutore.

BCMaterialsetik zorion beroak eman nahi dizkiegu doktoratu berriei, baita beren tesi-zuzendari eta tutoreei ere, lorpen garrantzitsu honengatik.