BCMaterials-eko hiru ikertzaile, TalentON europar ekitaldian parte hartuko duten 100 zientzialari gazteen artean

Irailaren 14tik 18ra, Leire Celaya, Amaia Zarandona eta Fangyuan Zheng BCMaterialseko ikertzaileek EU TalentON ekitaldian parte hartuko dute. Europar Batasunak antolatutako ekitaldi horrek Leidenen (Herbehereak) hainbat herrialdetako ehun zientzialari gazte bilduko ditu, Horizon Europe programan jasotako bost misioetarako irtenbideak emateko.

Gure hiru zientzialariek ekarpenak egingo dituzte “Gure ozeanoak eta urak leheneratzea” izeneko 4. misioaren esparruan. Gizakiak eragindako aldaketek ozeanoak, ibaiak, lakuak eta abar ingurumen-arrisku larrian jarri dituzte, kutsaduraren, biodibertsitatearen galeraren eta muturreko fenomeno meteorologikoen ondorioz.

Talde txikitan banatuta, zientzialari gazteek gizartean eragina duten irtenbide berritzaileak eta merkaturagarriak sortzeko beharrezko tresnak jasoko dituzte. Gainera bisitak egingo dituzte zenbait lantegi eta enpresetara, hitzaldietara joango dira, eta sormenezko orientazioa eta kultur esperientziak jasoko dituzte ere bai. Ekitaldiaren amaieran, talde bakoitzak bere soluzioa aurkeztuko die epaimahai profesional bati eta baita publikoari ere. Irabazleek EBk, industriak eta beste babesle batzuek emandako sariak jasoko dituzte.