BCMaterials-ek Emakumeak Zientzian ekimenarekin bat egiten du
BCMaterials Emakumeak Zientzian ekimenaren erakunde koordinatzaile gisa bat egin da aurten. Kolektibo honek jarduera-programa zabala garatzen du urtero Neska eta Emakume Zientzialarien Nazioarteko Egunaren inguruan. Zortzigarren edizio honetan, Emakumeak Zientzian, 60 jarduera baino gehiago antolatuko dira: bisitak, tailerrak, hitzaldiak eta mahai-inguruak, erakusketak, zinema-emanaldiak, STEM prestakuntza...
Jarduera-programa Emakumeak Zientzian elkartearen webgunean dago eskuragarri: https://emakumeakzientzian.eus/eu/programa-2024/. Publiko orori zuzendutako jarduerak dira: ikasleak, kolektibo espezifikoetako emakumeak (nerabeak eta 55 urtetik gorakoak), familiak, zientzia eta teknologiaren arloko profesionalak eta, publiko orokorra. Izen-ematea doakoa da eta urtarrilaren 17tik aurrera egongo da zabalik, jarduererako lekuak agortu arte.
Emakumeak Zientzian kolektiboa Euskadiko ikerketa zientifiko eta teknologikoarekin lotutako 32 erakundek osatzen dute: unibertsitateak, ikerketa-zentroek, zientziaren garapenerako fundazioek... Era berean, erakundeen laguntza handia du Euskal Autonomia Erkidegoan eta Estatuan, bai eta erakunde pribatuen laguntza ere.
Emakume zientzialarien lana islatzea
Emakumeak Zientzian programaren helburu nagusiak honako hauek dira: emakume zientzialarien lana nabarmentzea, genero-rolekiko topikoak haustea eta bokazio zientifiko-teknologikoak sustatzea Lehen eta Bigarren Hezkuntzako ikasleen artean.
Esparru horretan kokatzen da BCMaterials-ek otsailaren 14an eta 15ean antolatuko duen jarduera, ikastetxeei zuzendua. Bertan, BCMaterials-eko emakume zientzialariek ingurumenaren, energiaren, osasunaren eta teknologia berrien inguruan zientzian egiten duten lana erakutsiko dute. Bisitaldietan, ikasleek gure zientzialariekin batera esperimentatu ahal izango dute eta beren lanaren egunerokotasuna ezagutu.
Related news
Artikuluetarako deialdia – Zenbaki berezia ‘Polymers’ aldizkarian
Carmen Rial BCMaterials-eko ikertzailea, Mondragon Unibertsitateko M. Mounir Bou-Ali doktorearekin batera, "Polymers" (ISSN 2073-4360) aldizkariaren ("Conductive and Magnetic Properties of Polymer…Eloie Gallego, Ikerketako laguntzaile tekniko berria
BCMaterialsek ongi etorria eman dio Eloie Gallegori, gure zentroan Ikerketako Laguntzaile Tekniko berri gisa sartu baita. Gure instalazioetan gero eta laborategi-jarduera handiagoari zerbitzua emanez…Hitzaldi gonbidatua Joel Villatoro-rekin Apirilaren 25ean
Datorren apirilaren 25ean BCMaterialsek Joel Villatoro doktorea hartuko du hizlari gonbidatu gisa "All-Optical Fiber Sensing" izeneko hitzaldiarekin. Hitzaldia 10:00etan hasiko da Martina Casiano…Francisco Fernandesekin hitzaldi gonbidatua apirilaren 22an
BCMaterialsek hitzaldi gonbidatu Berri bat eskainiko du apirilaren 22an Francisco Fernandes Sorbonako Unibertsitateko (Frantzia) Materia Kondentsatuaren Kimika Laborategiko irakasle elkartuarekin.…