BCMaterials, Basque Health Clusterreko kide berria

BCMaterials-ek Basque Health Cluster-i atxikitzeko hitzarmena sinatu du. Clusterrak biozientziekin eta osasun-sektorearekin lotutako euskal enpresen eta ikerketa-zentroen interesak ordezkatu, sustatu, koordinatu eta defendatzeko helburua dauka. 

Berri bikaina da hau gure zentroarentzat. Klusterrarekin bat egiten dugu material berrien, nanoegituren eta biomedikuntzaren eta bioteknologiaren zerbitzura dauden aplikazioen zientzian dugun lana eta esperientzia eskaintzeko. Hori da, hain zuzen ere, gure ikerketa-arlo estrategikoetako bat. 

Era berean, kolektibo horretako kide izateak eta parte hartzeak aukera emango dio BCMaterials-i Euskadiko biozientzietako eta osasuneko enpresa- eta ikerketa-sarearekin sinergia berriak sortzeko, gure ikerketaren transferentzia teknologikoa bultzatzeko eta haren nazioartekotzea sustatzeko. 

Basque Health Cluster-en sartzea beste urrats bat da BCMaterials-ek hainbat sektoretako enpresekin eta ikerketa-zentroekin integratzeko eta batera lan egiteko politikan, klusterretan parte hartuz. Adibidez, gure zentroa Functional Print Clusterreko eta Euskadiko Paperaren Clusterreko kidea da, eta epe labur eta ertainean mota horretako elkarte berrietan sartzea aurreikusten du.