Materialen eta azalera funtzional aurreratuen ikerketa-ildorako errefortzu handia
BCMaterialsek materialen eta azalera funtzional aurreratuen ikerketa-ildoa nabarmen indartzen du Ikerbasque Research Associate berria, Reyes Calvo doktorearen heltzearekin. Aldi berean, Lisa Almonte doktoratu ondoko ikertzailea eta Eudomar Henríquez eta Juan David Cortés doktoratu aurreko ikertzaileak BCMaterials-en sartu dira.
Zentruko ikertzaile berri hauen lana neurri txikiko material eta gailuetan oinarritzen da. Zehazki, dimentsio txikiko materia kondentsatuko sistemetan sortzen diren fenomeno elektriko, optiko eta optoelektronikoetan zentratuko dute beren ikerketa.
Alde batetik, Van der Waalsen material ez-organikoen propietateak aztertuko dituzte geruza atomiko gutxi batzuetara murrizten direnean, eta horrek aukera paregabeak eskaintzen ditu bi dimentsioko gailuak garatzeko. Bestalde, nanogailu eta mikrogailu biobateragarriak (hala nola gailu biolektronikoak, malguak, wearableak edo inplantagarriak) sortzeko etorkizun handia duten diseinatutako biomaterialen film meheen propietateak ustiatuko dituzte.
Lan horien zuzendari gisa, Reyes Calvok ikerketa-esperientzia luzea eskaintzen du. Alacanteko Unibertsitatean doktoratu ondore, egonaldiak egin zituen Londresko University Collegen eta Stanfordeko Unibertsitatean (AEB), kasu honetan Marie Curie ikertzaile gisa.
CIC Nanogunetik Ikerbasque Research Fellow gisa igaro ondoren, 2019an irakasle gisa sartu zen Alacanteko Unibertsitatean, eta 2D materialen, biomaterialen eta horien egitura hibridoen azterketan oinarritutako ikerketa-talde bat sortu zuen.
BCMaterialsetik gure ongietorririk beroena eman nahi diegu bai Reyes Calvori bai gainerako ikertzaile berriei.
Related news
Karbono-puntuei buruzko artikulu berria ‘Mapping Ignorance’ blogean
BCMaterialsek ekarpen berri bat egin dio Euskal Herriko Unibertsitateko (EHU) Kultura Zientifikoko Katedrak argitaratzen duen Mapping Ignorance zientzia-dibulgazioko blogari. "All that glows is not a…BCMaterialsek bizitza hobetzeko materialak eraman ditu Zientzia Astera
BCMaterialsek EHUren Zientzia Astearen beste edizio batean parte hartu du, azaroaren 3tik 8ra bitartean. Ohi bezala, gure zentroak aste osoan zehar Bizkaia Aretoan egon diren zientzia-txokoetako bat…Hitzaldi gonbidatua Amparo Ruiz Carreterorekin elektronika supramolekular kiralari buruz (azaroak 23)
Azaroaren 23an, astelehena, Amparo Ruiz Carretero, Madrilgo Materialen Zientzia Institutuko (ICMM-CSIC) ATRAE ikertzaile seniorrak, hitzaldi gonbidatu bat emango du BCMaterialsen, «Twist and bond:…BCMaterialsek MOFak eta hidrogelak eraman zituen BeZientzia 2026 zientzia-azokara
BCMaterialsek BeZientzia zientzia-azokan hartu zuen parte urriaren 26an eta 27an. Azoka Bilboko Ensanche eraikinean egin zen, eta Bizkaiko bost BERC zentroak bildu zituen: Achucarro, BC3, BCAM,…