ECliCare euroeskualdeko proiekturen workshop-a Bilbon

Azaroaren 13an, BCMaterialsek Bordeleko Unibertsitatearekin eta Nafarroako Unibertsitate Publikoarekin batera garatzen duen "Electrochemisluminescent Bioassays for Personalized Diagnostics (ECliCare)" proiektuaren workshop-a egin zen Bilbon. Ekitaldia "Euskampus Bordeaux Eguna 2023" ren baitan egin zen.

Akitania Berria, Euskadi eta Nafarroa euroeskualdeak finantzatutako ECliCare proiektuaren helburua telefono adimendunek Kimioluminiszentzia Elektro-Sortuan (ECL, ingelesezko sigletan) oinarritutako diagnostiko molekularreko probetarako plataforma instrumental gisa duten gaitasuna aztertzea da. ECLiCare adinekoentzako diagnostiko pertsonalizatuko gailuetan oinarritutako produktu eta zerbitzu berriak garatzera bideratuta dago, informazioaren teknologien bidez, hala nola adimen artifiziala, Big Data eta komunikazioen bidez.

Klusterrentzako eta industriarentzako gunea

Proiektuaren tailerra, "Mobile technologies in personalized diagnostics" izenekoa, hiru bloketan garatu zen. Lehenengo blokean, proiektuaren koordinatzaileek ECliCareren oinarriak eta orain arteko lorpenak aurkeztu zituzten. Javier del Campok, Ikerbasque Research Professor-ak BCMaterials-en, ECliCareren ikuspegi orokorra eskaini zuen. Ondoren, Francisco Falcone, Navarra Unibertsitate Publikoko katedraduna, gailuaren kontrolari eta hark jasotako datuen erabilerari buruz aritu zen. Azkenik, Neso Sojic Bordeleko Unibertsitateko irakaslearen gaia elektrokimioluminiszentzia diagnostiko molekularretan izan zen.

Workshoparen bigarren blokeak Euroeskualdeko osasun-klusterren ikuspuntua aurkeztu zuen. Lehenengo hizlariak, Basque Health Clusterreko Mikaela Olaizolak, euskal ekosistema sanitarioa eta klusterraren ildo estrategikoak aurkeztu zituen. Ondoren, Tic-Santéko Margaux Mercadok, Akitania Berriko osasun-klusterrak, parte hartu zuen, eta bere erakundeak egindako lanari buruz hitz egin zuen.

Hirugarren eta azken blokeak osasun-sektoreko enpresei eman zien ahotsa: Biolan, analisi- eta diagnostiko-gailuetan espezializatutako konpainia; Test4Safe, droga-testak merkaturatzen dituen enpresa; eta Tecnalia, osasunaren eta elikaduraren dibisioaren barruan.

Workshop-a eztabaidarako eta erakustaldirako denbora batekin itxi zen.

Flash session

Tailerraren biharamunean, Joseba Totoricaguena BCMaterials-eko doktoratu aurreko ikerlariak "Euskampus Bordeaux Egunean" antolatutako flash saio batean parte hartu zuen. Totoricaguenak ECliCare proiektuaren barruan izandako esperientziaz hitz egin zuen.