BCMaterialsek RSEQeko Elektrokimika Taldearen 44. bilera antolatu du Leioan

BCMaterials-ek, UPV/EHUko Zientzia eta Teknologia Fakultatearekin lankidetzan, Real Sociedad Española de Química (RSEQ)-en  Elektrokimikako Talde Espezializatuaren 44. bilera antolatu du. Ekitaldia, 44GERSEQ akronimoaren pean, uztailaren 3tik 5era garatuko da da Zientzia eta Teknologia Fakultatean bertan, UPV/EHUko Leioako Campusean.

Urteko bilera Estatuko komunitate elektrokimikoaren erreferentziazko ekitaldia da, eta 200 hizlari inguru biltzen ditu. Programak ahozko aurkezpen ugari biltzen ditu saio paraleloetan, bileretan eta saio akademikoetan, bai eta gizarte-programa erakargarria ere.

Gainera, 44GERSEQekin batera, Mediterraneoko E3 Sinposioaren 5. edizioa egingo da, E3TechPlus bikaintasun-sareak antolatuta, eta nazioarteko hizlariak erakarriko ditu.

44 GERSEQeko osoko hizlariak
• Richard Compton. Oxfordeko Unibertsitateko Kimika Saileko katedraduna 2023ra arte. St John 's Collegeko ikertzaile emeritua.
• Nuria García-Aráez. Southamptongo Unibertsitateko katedraduna
• Francesco Paolucci. Boloniako Unibertsitateko Kimika Fakultateko Elektrokimika Taldeko burua

Data nagusiak
• 2024ko apirilaren 22a. Komunikazioak bidaltzeko muga
• 2024ko maiatzaren 20a. Aldez aurreko inskripzioak egiteko muga.
• 2024ko ekainaren 17a. Inskripzioak ixtea.

Komunikazioen gaiak
Komunikazioak honako gai hauetan egin ahal izango dira:
1. Materialen elektrokimika
2. Bioelektrokimika
3. Energia elektrokimikoaren bihurketa eta biltegiratzea
4. Elektrokimika molekularra
5. Oinarrizko elektrokimika
6. Elektroanalisia
7. Prozesu Elektrokimikoen Teknologia eta Ingeniaritza
8. Mediterraneoko E3 sinposioa (Electrochemistry for Environment and Energy)

Informazioa, laburpenak eta izen-emateak 44gerseq2024.com webgunean