BCMaterials-ek ‘Materials for Society’ ekimena abian jarri du

Urrian BCMaterials-ek ‘Materials for Society’ ekimenaren lehen harria jarriko du. Zientzia-, kultura- eta gizarte-proiektu honen helburua da zientziak gizarteko alderdi oso desberdinetan duen inplikazioa aztertzea. Ekimenaren lehenengo ekitaldia, “La Física y las palabras, las dos pasiones de José María San Juan” hitzaldi/solasaldiarekin izan zen, urriaren 8an, Martina Casiano eraikineko auditorioan (BCMaterialsen egoitzan).

Topaketa honetan, José María San Juan UPV/EHUko Fisikako katedradunaren “fede-jauzi literarioaren” lekukoak izan ginen, bere irakurzaletasuna lehen eleberria ("El Círculo Milenario", 2020) idatzi eta argitaratu ondoren.  Erdi Aroko Europan girotutako fikziozko saga historiko bat bihurtu da ‘El Círculo Milenario’ eta laster bere hirugarren liburukia argitaratuko da.

Hitzaldia José María San Juanek azken 20 urteetan "El Circulo Milenario" sagari forma emateko egin dituen urratsak eta gorabeherak azalduz joan zen, historiaren lehen zirriborroetatik hasi eta bere idazteko metodo eta ohituretatik igaroz eta bere lana editatu eta argitaratzeko prozesuraino.

‘Materials for Society’ zientzia artearekin, pentsamenduarekin edo gure garaiko aurrerapen eta erronkekin erlazionatuko duten hainbat formatutako ekitaldiak sortzeko asmoarekin sortu zen. "BCMaterials-en gure ikerketa zientifikoaren helburua bizitza hobe baterako material berriak sortzea da., bai biomedikuntzako erabilerekin, bai ingurumenaren zaintzarekin, trantsizio energetikoarekin... Gizartearen egungo eta etorkizuneko beharrei erantzungo dieten material berriak eskaintzen saiatzen gara ", adierazi du Senentxu Lanceros-Mendez BCMaterialseko zuzendari zientifikoak. "Ildo hau jarraitzen du ekimen honek, ‘Materials for Society’. Iniziatiba honen bidez, material ukaezinak eskaini nahi ditugu, bai hausnarketarako bai zientziaren eta gizartearen arteko lotura areagotzeko", gaineratzen du Lanceros-Méndez-ek.