Masato Sone irakaslearekin hitzaldi gonbidatua irailaren 29an

Datorren irailaren 29an (ostirala) BCMaterials-ek beste hitzaldi gonbidatu bat antolatuko du Tokyo Institute of Innovative Research-eko (Japonia) Masato Sone irakaslearekin.

Hitzaldiaren izenburua "Mechanical Property Design of Electrodeposited Au and Au Alloy Toward Application into Microcomponents in High-Sensitive MEMS Accelerometers" da. 11: 00etan hasiko da, UPV/EHUren Leioako Zientzia Parkean dagoen Martina Casiano eraikinean (BCMaterialsen egoitza). Ateak zabalik daude publiko orokorrarentzat.

Sone irakasleak Ingeniaritza doktoretza lortu zuen Tokyo Institute of Technology-n. 2005ean, irakasle elkartu bihurtu zen, eta, ondoren, erakunde akademiko horretako irakasle titular. Taiwango Chiao Tung Unibertsitate Nazionaleko irakasle gonbidatua ere bada. Sone jaunaren ikerketa-interesak mikroelektronikan, metalurgian, gainazalen akaberan, ingeniaritza kimikoan, kristal likidoan eta polimeroen zientzian oinarritzen dira. Berriki, elektrodeposizio-prozesu berri bat garatu du, MEMS teknologian aplikatzeko, bai eta material elektrogordailutuen propietate fisikoak ebaluatzeko metodoa ere.

Sonek ekoizpen zientifikoko ibilbide sendoa ere badu: 270 artikulu baino gehiago ditu aldizkari zientifikoetan, ehunka aurkezpen sinposio eta hitzaldi gonbidatuetan, eta 25 liburutan parte hartu du. Gainera, "Electrochem" aldizkariko editore burua, MDPI eta "Materials" eko Editore Elkartua da, MDPI.