ECLectic doktoretza-sarearen workshopa BCMaterials-en (apirilak 3-4)

Apirilaren 3an eta 4an, BCMaterialsek MSCA ECLectic nazioarteko doktorego-sareak antolatutako workshop bat hartuko du bere egoitzan, elektrokimioluminiszentziaren (ECL) esparruan ikertzaile gazteak prestatzeko helburuarekin. Doktorego-sarean parte hartzen ez duten zientzialarientzat ere zabalik dagoen ekitaldi hau astebeteko amaiera izango da. Bertan, ECLectic sareko doktoratu aurreko ikasleentzako berariazko prestakuntza-saioak egingo dira eta proiektuaren jarraipena egingo da bertako bazkideen artean.

Workshopera joan nahi dutenek elektrokimioluminiszentziaren eremura oinarrizko hurbilketa baina osoa egin ahal izango dute. Elektrokimikari eta ECLari berari buruzko sarrera-saioak izango dira, Pyhtonen erabilera datuak aztertzeko, mikroskopia, aplikazioak eta azterketa-kasuak...

Programa eta erregistroa workshopean

Programa osoa eta erregistro-formularioa eskuragarri daude webgune honetan: https://eclectic-dn.eu/workshop.

Izen-ematea doakoa da sarean parte hartzen duten ikertzaileentzat, eta kostua ECLectic proiektuan parte hartzen duten taldeetako ikertzaileentzat nahiz beste edozein ikertzailerentzat da (250 euro).

Septizemiaren diagnostiko goiztiarra

ECLectic-en helburu orokorrak dira 10 doktoregai prestatzea detekzioaren, diagnostikoaren eta espektroskopiaren arloan, eta arreta berezia jartzea errendimendu handiko biosentsoreen garapenari, septizemia edo sepsia goiz detektatzeko sistemak sortzeko.

Gaixotasun hau infekzio bakteriano batekiko erantzun larri eta potentzialki hilgarria da, eta oso azkar egin dezake okerrera infekzio hori jasaten duten pertsonengan. OMEren 2020ko txosten baten arabera, septizemiak urtean 30 milioi heriotza eragiten ditu munduan. Kalkulatzen da infekzio-konplikazioen ondorioz hiltzeko arriskua % 7,6 handitzen dela tratamenduan atzeratzen den ordu bakoitzeko. Kalkuluen arabera, sepsiaren diagnostiko goiztiarrak 200.000 pertsona salba ditzake urtero.

BCMaterialsek elektrodo-material berriak, detektagailu berriak eta gailu mikrofluidikoetan integratutako neurketa-sistemak garatzeaz arduratzen da proiektu honetan. CICBiomaGUNErekin koordinatuta, biotinta eta nanomaterial berriak garatu genituen.