UNICORN proiektu europarraren hasiera, BCMaterialsen parte-hartzearekin

Ekainaren amaieran, UNICORN proiektuaren hasiera izan zen Milanen (Italia). Europar Batasunak proiektu hau finantzatzen du, HORIZON-EIC PATHFINDER OPEN programaren bidez. Programa honek proposamen zientifiko oso asaldagarriak babesten ditu. BCMaterialsek proiektu honetan parte hartzen du bazkide gisa. UNICORNen helburu nagusia erradiazio eta neutrino detektagailu berritzaileak garatzea da, material nanokristalinoetan oinarrituta.

UNICORN proiektuaren helburua neutrinoen masa neurtzeko detektagailu aurreratu bat garatzea da, Double Beta Decay (DBD) prozesu nuklear oso arraroa aztertuz. Ikerketa honek neutrinoen izaera Majorana partikula gisa zehazteko potentziala du eta unibertsoko materiaren eta antimateriaren arteko asimetria ezagutzeko aukera emango du. Proiektuaren helburua da detektagailu eskalagarria, malgua, bereizmen handikoa, erradioaktibitate gutxikoa, detektagailu fidagarria eta errentagarria sortzea, material nanokristalinoak erabiliz.

Detektagailu berri horien garapenak aurrerapen eraldatzaileak ekarriko ditu erradiazioaren detekzioarekin lotutako esparru estrategikoetan, segurtasun nazionaleko, medikuntzako eta industriako aplikazioetan, ingurumenaren zaintzan, astronomian eta energia/partikula altuko fisikan.

Proiektu honetan, BCMaterialesek funtsezko zeregina beteko du simulazioak eginez Material Konputazionalen Zientzian espezializatutako ikertzaileen bitartez. Helburua detektagailuen garapenean erabilitako material nanokrilestinoen azalera optimizatzea da. BCMaterialseko Ikerbasque Research Professor Ivan Infantek zuzenduko du proiektuaren zati hau.

Gure zentroak proiektu berritzaile honetan parte hartzen du Universitá degli Studi di Milano-Bicocca, Fondazione Istituto Italiano di Tecnologia, Nexdot, Glass to Power, Organization Europeenne pour la Recherche Nucleaire eta Fyzikální ústav AV ČR erakundeekin batera.

Pikisuperstar irudia Freepiken